Guadañah negrah. Para Raquel.

 

DOMINGO, ENERO 14, 2007

Guadañah negrah

Doh,
tan solu doh,
briyandu mu grandih,
entri guadañah y sablih
d'azabachi.

Doh,
niñah negrah
entri lunah grandih
y bermejah.

Doh,
armah de puru fuegu,
trahparentih,
incidiendu sin dehcansu
en cubituh de yelu
ardiendu.

Doh
por doh
a la par hiriendu,
a la par parpadeandu
con ehpinah tiernah
d'inciensu y vientu,
aromandu loh cuerpuh,
plenuh.